Nú meirihluti til að stöðva þetta!!!

Hvernig stendur á því að þetta er ekki stoppað? Það er ekki heilbrigð skynsemi í þessu!
Það vill a) enginn kaupa hvalinn, b) veiðarnar eru reknar með tapi, c) nú er eyðilagt fyrir hvalaskoðunarmönnum sem stunda arðbæra atvinnugrein, - meira en 100.000 manns fóru í hvalaskoðunarferð á sl. ári, - d) hér erlendis á allt eftir að verða vitlaust, ímynd Íslendinga alþjóðlega á eftir að bíða stórskaða.

Ég skora á ríkisstjórnina að stöðva þessar veiðar eins og skot!!! Hún hefur núna meirihlutann til að gera það.

Fyrsta hrefnan veidd í kvöld

Athugasemdir

[Jóhannes H. Laxdal, 27.5.2009 kl. 08:58]

Það er engin innistæða fyrir C,  Hvalveiðar hafa lítil áhrif á hvalaskoðun.  Hvað A varðar er ég ekki viss en ég væri alveg til í að prófa grillaða Hrefnu og mér skilst að hún sé bara fín ef hún er elduð rétt og ef B væri satt þá myndu ekki hafa borist jafn margar umsóknir um hvalveiðar og raun bar vitni.

[Margrét Rún Guðmundsdóttir Kraus, 27.5.2009 kl. 09:09]

Komdu sæll Jóhannes,

C. Hvalaveiðar og hvalaskoðanir fara alls ekki saman. Hvalaskoðarar eru nefnilega ekki hrifnir af að sjá skoða hvali í blóði drifnum sjó. A. Prófaðu að grilla hana og verði þér að góðu! B. Umsóknir um hvalveiðar berast frá tilfinningasömum karlmönnum sem halda að með því að banna þeim að veiða hvali, sé verið skerða sjálfræði Íslendinga. Sjálfræði Íslendingar hefur hins vegar ekkert með þetta að gera.

[Jóhannes H. Laxdal, 28.5.2009 kl. 10:47]

Það var hér frétt fyrir einhverjum vikum/mánuðum um samantekt á ferðamennsku/hvalaskoðun á því tímabili sem við byrjuðum aftur að veiða hvali og það var engin sjáanleg fækkun sem mátti leiða til hvalveiðanna svo það er enginn innistæða fyrir C.

Einsog best ég veit þá eru afmörkuð svæði fyrir Hvalveiðar og afmörkuð svæði fyrir Hvalaskoðun einmitt til að það komi ekki upp árektrar þar á mill.

[Margrét Rún Guðmundsdóttir Kraus, 28.5.2009 kl. 12:30]

Vertu nú aðeins nákvæmari, hvaða frétt er þetta? Það þýðir ekki að sletta bara einhverju svona fram.

[Jóhannes H. Laxdal, 28.5.2009 kl. 20:04]

http://www.mbl.is/mm/frettir/innlent/2009/04/16/hvalveidar_hafa_ekki_skadad/ hérna er fréttinn sem segir m.a. "Reynsla síðustu ára hefur verið sú að þrátt fyrir fjöldasendingar mótmælabréfa vegna hvalveiðar Íslendinga hefur verið aukning í afurðasölu íslenskra sjávarútvegsfyrirtækja og sömuleiðis í fjölda ferðamanna til landsins. Sama hefur mátt segja um auknar vinsældir hvalaskoðunar hér við land á sama tíma."

Svo er hér frétt sem nefnir afmörkun svæða fyrir hvalaskoðun þar sem hvalveiðar eru með öllu bannað.  http://www.visir.is/article/2009307776900

[Margrét Rún Guðmundsdóttir Kraus, 29.5.2009 kl. 06:21]

Já, þú hefur rétt fyrir þér og takk fyrir að benda mér á þetta, því að þessar fréttir fóru fram hjá mér. Og nú er ég búin að grafast fyrir um tölur: 2003 hófust veiðar á hrefnu í vísindaskyni og þeim lauk árið 2007. Alls voru veidd 200 dýr. Veiðar á hrefnu í atvinnuskyni hófust árið 2006 og hafa verið stundaðar síðan. Alls hafa 48 dýr verið veidd í atvinnuskyni. Á þessum tíma hafa því alls verið veiddar 248 hrefnur.

Fyrir erlenda umhverfissinna fer það alls ekki saman að veiða hvali og að skoða þá. Þeir líta á hvalinn sem síðustu leifar frjálsrar nátturu. En Íslendingar finnst hvalurinn vera bara eins og hvert annað dýr sem maður má drepa sér til matar. Skrýtið að Íslendingar borði því ekki meira af hval en verði að reyna selja hann með tapi á markaði sem er mettur.

Þeir 115.000 ferðamenn sem á sl. ári skoðuðu hvali, eru greinilega ekki hardcore umhverfissinnar og lán Íslands að menn skuli vera svona umburðarlyndir gagnvart þeim. Nú skilst mér hins vegar að Paul Watson sé á leiðinni til landsins og mótmælin eiga eftir að verða sterkari.